Bloq


İlk dəfə - Lizinq yolu ilə mal alışlarında bonus

Yeni il qabağı Azərbaycanda lizinq bazarında liderlərdən olan “Prior Leasing” ASC müştərilərinə hədiyyə olaraq bu sahədə yenilik olan xüsusi loyallıq proqramına start verdi!  

Loyallıq proqramı çərçivəsində müştərilər “Prior Leasing”-dən alış edərək, həmin məhsulun dəyərinin 1-7%-i və ya xidmət komissiyaların 10%-i qədər bonus əldə edəcəklər. Müştərilər həmin bonusu 12 ay ərzində növbəti alışlarda “Prior Leasing” ASC, BOKT “Prior Credit” QSC və bütün partnyor şəbəkəsinin məhsullarını əldə edərkən istifadə edə biləcəklər.

Bundan əlavə loyallıq proqramında müştərilərə etdikləri alış məbləğindən asılı olaraq 3 kateqoriya üzrə Loyal, Gold və VİP kartları təqdim ediləcək. Müştərilərin Prior və onun partnyor şəbəkəsindən alış edərkən əldə etdiyi bonusları həmin kartlarda toplanacaq və toplanmış bonusları Prior-un 20-ə yaxın partnyor şəbəkəsindən alış edərkən endirim əldə etmək üçün istifadə edə biləcəklər. Şəbəkəyə kənd təsərrüfatı texnikası, ehtiyyat hissələri, gübrə, toxum və sair malların təchizatçıları, maliyyə təşkilatları daxil olacaq. Proqram iştirakçıları təlimlərdən, sahə günlərindən, pulsuz məsləhət xidmətlərindən və sair üstünlüklərdən yararlana biləcək.

 Loyallıq proqramının başlanması və yeni il ilə əlaqədar 31 yanvar 2022-ci il tarixinədək həm “Prior Leasing” ASC, həm BOKT “Prior Credit” QSC xidmətlərindən yararlanan müştərilər Loyallıq proqramı çərçivəsində ilk alışda ikiqat bonuslar əldə edəcəklər.

Kampaniya və proqram barədə ətraflı məlumat əldə etmək üçün şirkətin 858 nömrəsi ilə əlaqə saxlaya və ya filiallara yaxınlaşa bilərsiniz. Daha ətraflı www.prior.az

Qeyd edək ki, “Prior Leasing” ASC 2014-cü ildə təsis edilib. Əsas fəaliyyət növü kənd təsərrüfatı texnikaları və aqreqatlarının lizinqi olmasına baxmayaraq, şirkət həmçinin tikinti texnikası, damazlıq cins heyvanlar, müxtəlif növ avadanlıqlar və avtomobillərin lizinqi xidmətini də vətəndaşlara təqdim edir. Azərbaycanın 14 bölgəsində filial şəbəkəsinə sahib olan “Prior Leasing” fermerlərə regionlarda göstərilən maliyyə xidmətlərinin genişləndirilməsi məqsədi ilə 2020-ci ildə “Prior Leasing” ASC Bank olmayan Kredit Təşkilatı “Prior Credit” QSC-ni təsis etmişdir və Azərbaycan Respublikası Mərkəzi Bankı tərəfindən müvafiq lisenziya almışdır.

Baxış: 474



geri